Gjurmueshmëria lehtëson tërheqjen/kthimin mbrapsht të ushqimit, luleve dhe bimëve zbukuruese dhe u mundëson klientëve të marrin informacion e synuar dhe të saktë në lidhje me produktet e përfshira.

Zgjedhja e materialit të shumimit luan një rol të rëndësishëm në procesin e prodhimit dhe, duke përdorur varietetet e përshtatshme, mund të ndihmojë në zvogëlimin e numrit të përdorimeve të plehrave dhe produkteve për mbrojtjen e bimëve. Zgjedhja e materialit të shumimit është një parakusht për xhvillim të mirë të bimëve dhe product cilësor.

Administrimi i mirë i tokës siguron pjellorinë afatgjatë të tokës, ndihmon prodhimin dhe kontribon në fitimprurje. Nuk aplikohet tek kulturat që nuk rriten drejtpërdrejtë në tokë (p.sh. bimët hidroponike ose në vazo).

Proçesi i vendimmarrjes lidhur me plehun ka parasysh kërkesat e kulturave bujqësore. Lëndët ushqyese për kulturat duhet të jenë në dispozicion në substrat ose në tokë dhe plehërimi është shpesh i nevojshëm. Aplikimi i duhur për të optimizuar procedurat e përdorimit dhe ruajtjes për të shmangur humbjen dhe ndotjen duhet të ndiqet.

Uji është një burim i pakët natyror dhe ujitja duhet të projektohet dhe planifikohet me anë të parashikimit përkatës dhe/ose pajisjeve teknike që mundësojnë përdorim efikas të ujit për ujitje. Për informacion rreth përdorimit të përgjegjshëm të ujit, shih Shtojcën CB 1.

Menaxhimi i Integruar i Dëmtuesve (MID) përfshin shqyrtimin e kujdesshëm të të gjitha teknikave të kontrollit të dëmtuesve dhe integrimin pasues të masave të përshtatshme që pengojn zhvillimin e popullacioneve dëmtuese, dhe mbajnë produktet për mbrojtjen e bimëve dhe ndërhyrjet e tjera në nivele që arsyetohen ekonomikisht dhe zvogëlojnë ose minimizojnë rreziqet për shëndetin e njeriut dhe mjedisin. Një manual i MID (Shtojca CB 2) është hartuar për të ofruar veprime alternative për zbatimin e teknikave të MID në prodhimin komerciale të prodhimtaris bujqësore dhe hortikultur. Duke pasur parasysh ndryshimet natyrale të zhvillimit të dëmtuesve për kulturat dhe zonat e ndryshme, çdo sistem i MID duhet të zbatohet në kontekstin e kushteve lokale fizike (klimatike, topografike etj.), biologjike (ndërlikueshmëria e dëmtuesve, ndërlikueshmëria e armiqve natyror, etj.), dhe kushtet ekonomike.

Në situatat kur një dëmtues sulmon do të ndikojë negativisht në vlerën ekonomike të një kulture, mund të jetë e nevojshme ndërhyrja duke përdorur metoda specifike të kontrollit të dëmtuesve, përfshirë Produktet për Mbrojtjen e Bimëve (PMB). Përdorimi i drejt, manipulimi dhe ruajtja e duhur e produkteve të mbrojtjes së bimëve janë thelbësore.